Вашингтон мора да ја земе предвид суровата реалност – украинската армија едвај ги пречекори руските линии, се вели во авторскиот текст на Даниел Л. Дејвис кој го објави Њузвик. Според колумната, трезвената вистина за украинската контраофанзива е дека Украинците не успеваат да ги протераат Русите од териториите кои Кремљ ги контролира, иако водечките американски политичари, генерали и експерти се залагаат неограничена поддршка за Киев.
„Она што треба да го направи Вашингтон е да ја спроведе потребната промена на курсот и да формира нова политичка насока земајќи ја предвид суровата реалност на украинскиот фронт, а американските власти во моментов не прават ништо од тоа“, се вели во написот.
„Ако тогаш на Вашингтон не му беше јасно, врз основа на основните принципи на војување и борбени операции, дека украинските напори најверојатно ќе пропаднат, сега тоа треба да биде кристално јасно. Соединетите држави би биле мудро да ја приспособат политиката за да одговараат на малите шанси на Украина против руските вкоренети линии“, се додава.
Се вели и дека трупите на Зеленски, со мала или без воздушна моќ и недостиг на артилериска муниција, би можеле да претрпат огромни загуби и да добијат малку. Според авторот, неуспехот на контраофанзивата која била „расштркана уште од самиот почеток“ не требало да изненади никого во Белата куќа.
Вашингтон пост објави слична анализа на Њузвик. Весникот напиша дека американските разузнавачки служби ја криеле својата проценка дека резултатот од контраофанзивата ќе биде многу под очекувањата и дека „упорните недостатоци на украинската обука и муниција се веројатно ќе го попречи напредокот и ќе го влоши бројот на жртви за време на офанзивата“.
Во првите две недели од нападот, Украина претрпе огромни загуби, како во оружје, така и во жива сила, без да освои никакви територии. До крајот на третата недела, се проценува дека украинските сили изгубиле една петтина од своите ударни сили, принудувајќи ги драматично да ја променат тактиката.
Според Њузвик, Вашингтон потрошил речиси 113 милијарди долари, но и покрај „неверојатната количина“ на оружје, муниција, облека и разузнавање, Украинците едвај ги пречекориле руските линии.
Како што се заклучува, нема реална основа да се верува дека Украина има капацитет да ја постигне наведената стратешка цел и да воспостави контрола врз териториите контролирани од Русија, вклучувајќи го и Крим.
Авторот на колумната, Даниел Л. Дејвис е висок соработник за одбранбени приоритети и поранешен потполковник во Армијата на САД кој четири пати бил распоредуван во борбени зони.
