Враќањето на Крим на Украина не доаѓа предвид

Lorita
By Lorita 1 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Изјавата на украинскиот претседател Володимир Зеленски дека Киев има желба да го врати Крим „со невоени средства” официјална Москва ја сфаќа како дискусија за отуѓување на руските територии, што е целосно неприфатливо, изјави денеска портпаролот на Кремљ, Дмитриј Песков.

– За нас ова не е ништо повеќе од дискусија за отуѓување на руска територија и тоа поинаку не може да се разбере. Тоа не доаѓа предвид, одговори Песков на барање на новинарите да ја коментира изјавата на Зеленски – пренесе Тасс.

Украинскиот претседател претходно изјави дека Киев е подготвен да ги разгледа опциите за невоено враќање на Крим, но повика „да не се губи време” на опции што не предвидуваат, како што наведе, „деокупација на полуостровот”.

Во интервју за Фајненшл тајмс, Зеленски изјави дека доколку решението не предвидува деокупација, а според тоа решение Крим е дел од Русија, никој не треба да губи време на тоа, пишува „Украинска Правда”.

– Ваквите изјави уште еднаш укажуваат на неподготвеноста и неспособноста на украинската страна, што не покажува волја проблемот да се реши со невоени методи – рече Песков.

Share This Article