Од Северна Македонија се вртени телефони во Бугарија и на одредени места е соопштувано дека нема да дојде до договор, бидејќи тука ќе има брзи избори, рече на денешниот редовен брифинг министерот за надворешни работи, Бујар Османи.
Министерот одби да каже кои се тие лица, но откри дека се работи за вработени во државни институции, а делумно и за членови на политички партии.
– Се јавиле луѓе од партии и од институции со цел да ја запрат интеграцијата на земјава во ЕУ. И во Бугарија и во Македонија има прокси групи на трети земји кои го минираат преговарачкиот процес – истакна Османи.
Тој посочи и дека е забележан напредок во работата на Комисијата за историја, иако прецизираше дека тој воопшто не влијае на процесот.
