Грчката полиција се уште не го расветлила убиството на навивачот на АЕК Михалис Кацурис, кој беше убиен во навивачка пресметка пред натпреварот АЕК-Динамо Загреб во Атина.
Истрагата досега издвои петмина осомничени за убиството на Кацурис. Станува збор за државјани на Хрватска, Албанија и Грција (3). Во моментот на апсењето, Хрватот и Албанецот имале ножеви со траги од крв, а веднаш биле одвоени од останатите и осомничени за убиство. Грчките државјани кои се осомничени за убиството на Кацурис се навивачи на Панатинаикос и и се познати на полицијата од поодамна.
Грчкиот сајт Protothema објави видео од последните моменти на убиениот Кацурис. Има неколку видеа кои полицијата ги анализира преку кои се обидува да го расветли убиството на младиот навивач.
Снимката е вознемирувачка.
На видеата се гледа како Кацурис пристигнува во продавницата во сина кошула и шорцеви, облечен во качулка и ракавици, а во едната рака држи кацига. Видливо е дека дел од неговото тело е целосно покриен со крв.
Починатиот навивач потоа седи зад фрижидерот додека сопствениците на продавницата го гледаат. Жената му поминува крпа низ прозорецот за да го избрише или запре крварењето.
После тоа, друго лице му дава вода и се обидува да дознае за неговата состојба.Во последниот шут Кацурис се обидува да стане, но нема сила да го стори тоа и паѓа на земја. Според полициските извештаи, навивачот искрварил до смрт и починал пред да пристигне во болница.
Да потсетиме, по конфликтот беа уапсени над 100 лица, а по некои се уште се трага. Повеќето од хулиганите веќе се пренесени во затворите низ Грција.
