Возило се излизга на патот Делчево – Македонска Каменица кај селото Очипала и предизвика застој во сообраќајот.
На местото на настанот увид врши полициска екипа од ОВР Делчево, од каде информираа дека сообраќајци ги насочуваат возилата да се движат по една лента.
Како можна причина за излизгувањето се напоменува течна материја која е забележана на самиот коловоз.
Надлежните апелираат да се вози внимателно на магистралата на која во делови се вози по влажни коловози.
