Постојат многу јасни индикации кои покажуваат кога сме сексуално возбудени. А дали знаевте дека вашето тело тогаш практично зрачи со желба за секс?
Забрзано отчукување на срцето, брзање крв на одредени делови од телото, проширени зеници… Сето ова се добро познати знаци дека личноста е сексуално возбудена. Но, сега научниците од Истражувачката лабораторија за човечка сексуалност (SecLab) на португалскиот универзитет во Порто, во соработка со Институтот Макс Планк во Мајнц, открија дека постои уште еден јасен сигнал за сексуална возбуда. Имено, тие во заедничко истражување откриле дека сексуалното возбудување се забележува и преку – воздухот што човекот го издишува, пишува Дојче веле (DW).
Џонатан Вилијамс, хемичар кој го проучува воздухот во дождовните шуми и големите градови, заедно со научниците од Универзитетот Јоханес Гутенберг, во 2018 година откриле дека луѓето, кога се плашат во кино, издишуваат голема количина на т.н. „Таа студија привлече големо внимание“, изјави Вилијамс за ДВ низ насмевка.
Во 2021 година, оваа група научници ја доби таканаречената Шнобелова награда (Иг Нобелова награда) за нивното откритие, сатирична награда или пародија на Нобеловата награда, која се доделува за откритија кои прво предизвикуваат насмевка и се сомнителни научни вредности. Сепак, научниците продолжија да ја проучуваат хемијата на човечките емоции.
Хемија на сексуалната возбуда
Сакајќи да ја тестираат хемијата на сексуалното возбудување, тие спровеле мала, пилот студија, во која 12 мажи и 12 жени биле ставени пред екранот во „SecLab“ на Универзитетот во Порто.
Учесниците гледаа различни десетминутни видеа по случаен редослед – прво документарец за природата, потоа хорор, потоа фудбалски натпревар, па филм за возрасни. Еден дел од научниот тим го испитувал возбудувањето во гениталиите користејќи различни сензори, а хемичарите го анализирале воздухот што го издишувале испитаниците.
Како што се менувале видеата, нивоата на главните хемиски компоненти на здивот, како што се ацетон и метанол, не се менувале, без оглед на емоционалната состојба на учесниците. „Но, некои од елементите во трагови диво флуктуираа“, вели Вилијамс.
Тој додава дека, иако нивото на сексуална возбуда е многу индивидуално, пронајдени се многу јасни хемиски сигнали кои ја зголемуваат концентрацијата кога некој ќе почувствува возбуда.
Станува збор за супстанции наречени фенол, крезол и индол, а тие се продукти на разградувањето на аминокиселината триптофан. Триптофанот е една од клучните аминокиселини што телото ги користи за создавање на серотонин, еден од најважните невротрансмитери одговорен за доброто расположение и општата благосостојба.
Мирисот на страста
За Вилијамс, подемот на индолот е особено интересен. „Во високи концентрации, тоа е супстанца што предизвикува мирис на измет“, вели Вилијамс.
Меѓутоа, во мали дози, како оние што се наоѓаат во човечкиот здив, ова соединение мириса на цвеќе и затоа често е составен дел на парфемите. „Тоа на парфемите им дава секси нота“, објаснува хемичарот.
Спротивно на тоа, нивото на изопрен, мирисот на страв, кои Вилијамс и неговите колеги го пронајдоа во воздухот на кино салата, значително паднаа додека учесниците во новата пилот студија „SecLab“ гледаа филм за возрасни.
Дали ја чувствувате возбудата во здивот на партнерот?
Резултатите од анализите на здивот биле појасни кај мажите отколку кај жените. Зголемувањето на хемиските маркери за возбудување во здивот беше помалку изразено кај жените, а мерењата на гениталната возбуда со сензори исто така покажаа дека таа била помалку изразена кај жените отколку кај мажите додека гледале филм за возрасни.
„Студијата беше направена на примерок кој беше премногу мал за да се извлечат општи заклучоци“, рече Вилијамс, но резултатите, додаде тој, беа доволно интересни за да продолжи студијата со веројатно 1.000 или повеќе учесници.
Сепак, додава тој, „не е лесно да се најдат субјекти за истражување на сексуалната возбуда, бидејќи многу луѓе не сакаат да имаат сензори на нивните гениталии“.
Затоа, вели Вилијамс, анализата на здивот би можела да биде добра алтернатива. Следните студии би можеле дури и да одговорат на прашањето: Дали можам да ја почувствувам сексуалната возбуда на мојот партнер преку издишаниот воздух?
Вилијамс смета дека тоа е сосема можно. „Знаеме дека луѓето реагираат на сигналите што хемикалиите во воздухот ги предизвикуваат во нашиот мозок. Мирисот на пица, на пример, може да предизвика грчеви во стомакот“.
Сепак, сè уште не е истражено дали хемиските сигнали што ги емитираат нашите тела влијаат на луѓето околу нас. Сè додека научниците не откријат дали и на кој начин ја сигнализираме нашата емоционална состојба преку хемикалии, останува едно важно правило – само дишете мирно.
