Во Црна Гора се регистрирани 93 случаи на инфекција со голема кашлица, потврди епидемиологот на Националниот институт за јавно здравје Милко Јоксимовиќ.
Тој за РТЦГ изјави дека станува збор за случаи кои се откриени и пријавени, а сосема е сигурно дека бројот на оние кои не дошле на тестирање е многукратно поголем.
„Станува збор за 93 откриени случаи на инфекција, што е повеќе отколку во изминатите 20 години“, предупреди Јоксимовиќ и нагласи дека големата кашлица е особено опасна за бебињата.
Поентата е да се заштитат бебињата што е можно поскоро, вели тој.„Не дека почнуваме со вакцинирање, не знам, на половина година, година и така натаму, туку дека првите три дози од вакцината, кои даваат навистина значителна заштита, се даваат порано“, нагласи Јоксимовиќ.
Тој рече дека треба да работиме на превенција, односно да не дозволуваме да посетуваат луѓе со инфекции на респираторниот тракт.
„Нема потреба да се тестираат сите, но ако имате регистриран случај во семејството, а по седум до 10 дена друг член од семејството развие симптоми и почне да кашла, сосема е очигледно дека се работи за голема кашлица“, објасни тој.
Тој предложи да се тестираат бебињата под една година и деца под пет години.
