Во септември земјава ја посетиле 124. 800 туристи, од кои 27,9% се домашни туристи, а 72,1% се странски туристи. Тие направиле 256. 831 ноќевања, од кои 34,3% се од домашните туристи, а 65,7% од странските туристи. Ова го покажуваат податоците на Државниот завод за статистика.
Според овие податоци, кумулативната споредба со лани од јануари до крајот на септември покажува дека бројот на туристи е зголемен за 21,8%, и тоа: кај домашните туристи има зголемување за 0,5%, а кај странските има зголемување за 40,3%.
Во периодот јануари – септември 2023 година, во однос на истиот период од претходната година, бројот на ноќевањата е зголемен за 10,2%, и тоа: кај домашните туристи има зголемување за 1,5%, а кај странските има зголемување за 24,7%.
Езерата и Скопје се најпосетени во овој период.
Најголем број туристи во септември дошле од Турција вкупно 23. 252, потоа од Србија (8.691), Германија (5. 415), од Полска (4 965) и Холандија (3 243).
