Сеизмолозите велат дека во следната година или повеќе може да се очекува земјотрес со јачина од близу пет степени според Рихтеровата скала во централна Србија. Тие објаснуваат дека последниот земјотрес во Краљево бил во 2010 година, а истражувањата покажуваат дека областа има период на враќање од 10 до 15 години.Сеизмологот Ана Младеновиќ изјави дека според геолошките и сеизмолошките истражувања подрачјето на централна Србија има повратен период на земјотреси и соодветно на тоа се очекува земјотрес со јачина од пет степени.
„Очекуваме дека во наредниот период, кој може да биде една година или повеќе, ќе се случи земјотрес во централна Србија. За ова зборуваме последниве две-три години, бидејќи според нашите истражувања, геолошки и сеизмолошки, тоа подрачје има повратен период на ваков земјотрес од 10 до 15 години. Можно е оваа енергија што дојде од Турција и Романија малку да го забрза тој процес“, вели Младеновиќ за Танјуг.
