More

    Во последен момент го блокирал сообраќајот на мостот и спречил катастрофа

    spot_img

    Полицајците од транспортната управа во Мериленд го блокирале сообраќајот на мостот Френсис Скот Ки во Балтимор во последен момент, само неколку моменти пред тој да се урне. Градоначалникот на Балтимор ја објави драматичната снимка во која полицаецот панично повикуваат да се сопре сообраќајот во двата правци и успева да спречи многу поголема катастрофа.

    Речиси целиот мост долг 2,6 километри се урна за само неколку секунди откако во него удри контејнерскиот брод Дали, кој пловел под знамето на Сингапур. Бродот останал без струја и погон веднаш по испловувањето од пристаништето Балтимор, за што веднаш ја известил управата за транспорт во Мериленд.

    – Мораме да го запреме целиот сообраќај, од двете насоки – вели полицаецот на драматичната снимка објавена од Одделот за транспорт во Мериленд.

    Веднаш по прекинот на сообраќајот, на аудио снимката се слушаат полицајци како зборуваат за работниците кои останале на мостот.

    – Целиот мост само се урна – вели гласот на диспечерот набргу потоа.

    Градоначалникот на Балтимор вчера изјави дека полицајците кои го блокираа сообраќајот на мостот пред несреќата се „херои“.

    Нуркачите денеска, за потсетување, ќе бараат шест работници за кои се претпоставува дека загинале во водите околу остатоците од урнатиот мост во пристаништето Балтимор, објавија локалните власти.

    Ударот на контејнерскиот брод на мостот, кој предизвика негов уривање, предизвика и затворање на пристаништето Балтимор на неопределено време. Тоа е едно од најпрометните пристаништа на источниот брег на САД, па катастрофата предизвика сообраќаен хаос во Балтимор и околниот регион.

    Потрагата по шестмината работници кои се возат за исчезнати, беше прекината синоќа, 18 часа откако паднаа од урнатиот мост Френсис Скот Ки во студените води на устието на реката Патапско.

    Претставници на државната полиција на Мериленд и на американската крајбрежна стража рекоа дека намалената видливост и сè поопасните струи во каналот го прават продолжувањето на потрагата по реката премногу ризично за да продолжи во текот на ноќта.

    – Почнувајќи од 6 часот наутро, нуркачите повторно ќе влезат во водата и ќе започнат подетална потрага за да се потрудиме да ги извлечеме тие шест исчезнати лица – изјави доцна синоќа портпаролот на полицијата Роланд Батлер.

    -Исклучително мали се шансите дека ќе најдеме некој од тие луѓе жив – рече портпаролот на крајбрежната стража Шенон Гилрет на брифингот.

    Спасувачите во вторникот од водата извлекле живи уште двајца работници, а еден од нив е хоспитализиран во „многу тешка“ состојба.

    Меѓу шестмината за кои се претпоставува дека загинале има работници од Мексико, Гватемала и Ел Салвадор, објави мексиканскиот конзулат во Вашингтон.

    Официјални лица рекоа дека сите осуммина биле дел од тимот што ги поправал дупките на асфалтот на Ки Бриџ кога контејнерскиот брод Дали под знамето на Сингапур, кој пловел од Балтимор за Шри Ланка, удрил во еден од носечките столбов  на мостот околу 1:30 часот по локално време.

    Бродот долг 289 метри пријавил губење на погонот непосредно пред судирот и го фрлил сидрото за да го забави бродот, давајќи им време на властите да го запрат сообраќајот на мостот пред падот.

    Овој потег веројатно спречи повеќе смртни случаи, рекоа властите. Гувернерот на Мериленд, Вес Мур, на брифинг со новинарите во вторникот изјави дека немало проблеми во структурата на мостот.

    Властите ја отфрлија можноста дека станува збор за терористички чин.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img