Кабинскиот персонал на британската нискобуџетна авиокомпанија Easyjet во Португалија започна тридневен штрајк барајќи повисоки плати.
Штрајкот доведе до откажување на летовите од Португалија.
Некои летови од Лисабон утринава се откажани за Бастија во Франција, Бирмингем во Велика Британија и Базел во Швајцарија, според информациите од аеродромот во Португалија (ANA), а патниците на Easyjet се советуваат да се распрашаат пред да пристигнат на аеродромот.
Португалското Министерство за инфраструктура воспостави минимална услуга од 54 летови.
Компанијата „Изџет“ објави дека прави се за да ги минимизира последиците од штрајкот, а на патниците им дава можност бесплатно да го сменат летот или да си ги вратат парите.
Според Националниот синдикат на персоналот во цивилното воздухопловство (SNPVAC), кој го свика штрајкот, компанијата откажала 78 летови во текот на трите дена од штрајкот, што е околу 30 отсто од планираното во времето кога штрајкот беше објавен на 17 март. .
Штрајкувачите бараат зголемување на платите, кои се замрзнати од 2019 година, и подобрување на работните услови, изјави портпаролот на синдикатот за агенцијата Франс прес.
Од синдикатот изјавија дека се најмалку платени во мрежата Езијет во Европа и дека работат најмногу часови со најмалку одмори. Наведено е и дека одлуката за штрајк е донесена по пет месеци неуспешни преговори со компанијата.
