Во понеделник ќе биде пуштен во употреба автопатот во делот од Требеништа до Охрид, најави директорот на ЈП за државни патишта Ејуп Рустеми.
– Јас можам да тврдам дека овој регионален пат, очекуваме и убеден сум дека за 15 месеци ќе биде целосно рехабилитиран. Во моментов, според проектот и според рокот и според она што го зборуваме со надзорот на работите, ние сме убедени дека за 15 месеци ќе биде завршен овој проект. Ако одиме сега таму ќе се види дека се работи на целата таа траса, тие административни проблеми кои ги имавме, веќе ги решивме и следниот понеделник ќе биде пуштен во употреба делот од Требеништа до Охрид – рече Рустеми.
Доцнењето од скоро 2 месеца Рустеми го правда со временските неприлики.
Автопатот се гради околу 8 години. Меѓу проблемите кои ја кочат изградбата се и процедурите за експропријација на земјиштето. Ветувањата се дека автопатот ќе биде готов следната година.
Трасата од 57 км досега чини 598 милиони евра. Рокот за изградба до сега неколкупати беше пролонгиран, а последниот рок е до декември 2023 година.
