Има фасцинантна мапа објавена од страната Our World in Data која покажува кои земји во светот имаат најголема, а кои најниска стапка на дебелина.Податоците се собрани од статистиката на 195 земји во светот. Се покажа дека повеќе од една третина од возрасните во светот, околу 39 отсто, се дебели, пренесува Нова.рс.
Податоците беа проучувани од мрежата на научници за соработка со фактори на ризик NCD од 1975 до 2016 година, а во студијата беа вклучени околу 128,9 милиони луѓе. Тие ги анализирале податоците за телесната маса, како и бројот на луѓе со недоволна тежина, прекумерна тежина или дебели.
Сите десет нации со највисоки стапки на дебелина се наоѓаат во Пацификот. Пацифичкиот остров Науру не само што е една од најлуксузните дестинации за одмор, туку податоците покажуваат дека на тој остров живеат најдебелите луѓе на светот. Островот Палау има втор најголем процент на возрасни со прекумерна тежина или дебели.
Најмалку дебела нација е Виетнам, по што следи Индија. Ризикот од дебелина во Виетнам е низок поради фактори како што е локалната кујна, која е претежно органска со низок процент на масло. Храната не се обработува многу и е претежно свежа, а разновидноста на храна прави избалансирани оброци. Покрај тоа, внесот на шеќер е релативно низок, а потрошувачката на газирани пијалоци е ограничена.
Сепак, нискиот процент на дебели луѓе може да биде последица и на економски фактори – како што се долгото работно време и физичките работни места.
Земји со најмногу дебелина
1. Науру – 88,5 проценти
2. Палау – 85,1 отсто
3. Кукови Острови – 84,7 отсто
4. Маршалските Острови – 83,5 отсто
5. Тувалу – 81,9 отсто
6. Ниуе – 80,0 отсто
7. Кирибати – 78,7 отсто
8. Тонга – 78,5 отсто
9. Самоа – 77,6 отсто
10. Микронезија – 75,9 отсто
Земји со најмалку дебелина
1. Виетнам – 18,3 отсто
2. Индија – 19,7 отсто
3. Бангладеш – 20,0 отсто
4. Етиопија – 20,9 отсто
5. Непал – 21,0 отсто
6. Тимор – 21,6 отсто
7. Камбоџа – 21,7 отсто
8. Еритреја – 22,0 отсто
9. Нигер – 22,0 отсто
10. Бурунди – 22,2 отсто
