Националното собрание на Куба го ратификуваше новиот петгодишен мандат на претседателот Мигел Дијаз-Канел, што е израз на намерата да се одржи континуитетот во оваа карипска земја која се соочува со длабока економска криза.Над 400 претставници на собранието, кои гласачите ги избраа во март, денеска стапија на должност и на седница ги избраа владата и претседателот.
Во својот нов мандат, Дијаз-Канел ќе мора да се бори со неконтролираната инфлација и националниот недостиг на храна, лекови и енергија.
Куба се уште е изложена на строги американски санкции, но има и незадоволство на граѓаните, кое делумно се изразува преку емиграција во САД или во други земји.
