Припадниците на косовската полиција уапсија четири лица во градот Џенерал Јанковиќ, по запалување на новогодишната елка, како и за пишување графити со повикување на говор на омраза.
Косовската полиција прецизира дека денеска во раните утрински часови добила информација дека пожарот ја зафатил новогодишната елка која се наоѓала во дворот на општината Џенерал Јанковиќ, пренесува КоССев.
Пожарникарите потоа го локализирале пожарот, а покренат е и случај на „предизвикување општа опасност“.
Неколку часа подоцна, полициска патрола на ова место забележала графити на неколку улици со натпис „Нова година не е наш празник, не ги празнувајте празниците на немуслиманите“, и поведе случај за „предизвикување раздор и нетрпеливост“.
По собирањето информации и следењето на безбедносните камери, полицијата успеала да идентификува и уапси четири лица.
По извршениот разговор, на три лица им е одредена мерка притвор, додека едно е пуштено во редовна постапка.
