Најмалку 129 луѓе загинаа во обид да побегнат од најголемиот затвор во Киншаса, главниот град на Конго, соопштија властите, додавајќи дека мнозинството загинале во стампедо.
Министерот за внатрешни работи Жакемин Шабани изјави за мрежата Х дека затворениците се обиделе да побегнат од затворот Макала во понеделникот поради пожар што зафатил административна зграда и амбуланта.
„Привремениот биланс е 129 загинати, вклучително и 29 убиени од оружје откако обезбедувањето ги предупредило“, рече Луко во изјавата, пренесува Ал Џезира.
Тој додаде дека се повредени 59 лица.
Министерот рече дека е направена значителна материјална штета, дека состанокот на кризниот штаб со припадниците на одбранбените и безбедносните сили е во тек, но дека ситуацијата сега е под контрола.
Во затворот Макала, кој е најголем во земјата, со капацитет од 1.500, имало околу 12.000 затвореници, од кои повеќето чекаат судење, се вели во најновиот извештај на Амнести интернешнал за Конго.
Претходно имаше обиди за бегство од тој затвор, а во 2017 година десетици затвореници беа ослободени во напад на верска секта.
Пукањето во затворот започнало околу полноќ во неделата и продолжило до понеделник наутро, велат затворениците. Висок владин претставник претходно изјави дека за време на инцидентот биле потврдени само две смртни случаи, што активистите за човекови права го негираа.
