Обилните дождови во северна Јапонија урнаа мостови и излеаа реки, а 200.000 жители беа повикани да ги напуштат погодените области.
Две лица се водат како исчезнати, изјави владиниот портпарол Хироказу Мацуно, а властите предупредија на зголемен ризик од лизгање на земјиштето и поплави.
Телевизиските снимки покажаа паднати дрвја во калта во близина на планинската станбена зона, како и поплавени куќи и целосно урнат мост.
Јавниот сервис NHK објави дека се издадени необврзувачки известувања за евакуација за 200.000 жители во петте департмани во земјата – Ниигата, Јамагата, Фукушима, Ишикава и Фукуи. Некои возови со куршуми (шинкасен) се суспендирани во погодените области.
Во 2021 година, обилните дождови предизвикаа огромно лизгање на земјиштето во Атами во централна Јапонија, при што загинаа 27 луѓе.
Во 2018 година, од лизгање на земјиштето и поројните поплави загинаа повеќе од 200 луѓе во западна Јапонија за време на годишната сезона на дождови. Според научниците, затоплувањето на климата ги зголемува ризиците од интензивни дождови во Јапонија, како и на други места во светот.
