Како што јавуваат италијанските медиуми, вчера попладне се случила тешка сообраќајна несреќа во тунелот Ка’ Гулино, во градот Урбино, во централна Италија.
Според локалните весници, комбето на брзата помош влегло во лентата каде што се наоѓал автобусот, а дошло до верижен судар при што комбето се запалило. Починале сите четворица од комбето: тројца медицински лица и еден пациент кој бил пренесен во локална болница, пренесува Индекс.
Во автобусот имало деца на возраст од 7 до 11 години, придружувани од свештеник и неколку возрасни. Тие се враќаа од патување.
Меѓу децата имало само неколку полесни повреди, сите биле во шок. Некои плачеа и ги повикуваа своите родители.
