Над 1,5 тони марихуана се запленети на брод кој пристигнал од Мексико во пристаништето Амбарли во Истанбул.
По дојавата дека од Мексико до пристаништето во Истанбул ќе се транспортира големо количество дрога и речиси двомесечен мониторинг, екипи на одделот за борба против шверц на наркотици извршија операција на брод во пристаништето Амбарли.
Во акцијата во која учествувале екипи на Царинската управа на Истанбул за шверц и разузнавање, во контејнерот на бродот е пронајден тон, 580 килограми и 460 грама марихуана, која била скриена во 156 ролни ткаенина.
Во акцијата се приведени пет лица, чија кривична истрага е во тек.
