Турската полиција спроведува голема операција во осум провинции, вклучувајќи го и Истанбул, во која досега се приведени 33 лица осомничени за меѓународна шпионажа за израелската разузнавачка служба Мосад, јавува Anadolu.
Акцијата се спроведува по истрага што ја води Одделот за истрага за тероризам и организиран криминал при Основното јавно обвинителство во Истанбул.
Истрагата открила информации дека израелската разузнавачка служба Мосад имала за цел да врши активности како што се извидување, набљудување, напад и киднапирање на странски државјани кои престојуваат во Турција од хуманитарни причини.
Распишана е потерница за вкупно 46 лица осомничени за меѓународна шпионска дејност.
Турската полиција изврши симултани претреси на 57 адреси во осум провинции и приведе 33 осомничени.
Акцијата продолжува, како и потрагата по 13-те преостанати осомничени.
