Во Европа минатата година имало триесет пати повеќе случаи на заразенис со сипаници во споредба со претходната година, што е „вознемирувачки пораст, предупредува Светската здравствена организација (СЗО), јави Би-Би-Си.
Здравствените власти предупредуваат дека случаите се во пораст и дека се потребни „итни мерки“ за да се спречи ширењето. Повеќе од 30 илјади луѓе биле заразени во 2023 година, во споредба со 941 во цела 2022 година.
СЗО смета дека причината за ваквиот пораст на заразени е тоа што помалку деца биле вакцинирани против болеста за време на пандемијата Ковид-19.
-Имаме не само 30-кратно зголемување на случаите на сипаници, туку и речиси 21.000 хоспитализирани и 5 смртни случаи поврзани со сипаници. Ова е загрижувачко Вакцинирањето е единствениот начин да се заштитат децата од оваа потенцијално опасна болест – изјави Ханс Клуге, регионален директор на СЗО за Европа.
