Базени, аквариуми, вештачки плажи, водени велнес центри и фитнес центри, симулатор за нуркање… Сето ова би требало да расте среде пустина во Дубаи.
Дубаи моментално е една од „најфутуристичките“ области во светот, каде архитектите се натпреваруваат со нивните проекти, кои понекогаш се граничат со научна фантастика.
Последниот проект кој бара место под жешкото арапско сонце е исто така луксузна станбена висококатница наречена DAMAC Casa. Тоа ќе биде еден вид стакло-водена оаза со многу водени елементи зад големите стаклени екрани и тераси кои ќе нудат прекрасен поглед на градот. Барем така ветуваат нејзините планери.
Освен базени, аквариуми, велнес центри и фитнес центри за вода и вештачки плажи, жителите ќе имаат достапен и симулатор за нуркање на еден од 43-те ката, виртуелна реалност која ќе им овозможи да доживеат нуркање „од длабочините на Црвеното Море до пространоста на Индискиот Океан, па дури и во вселената“.
Можеби се подразбира дека најлуксузниот базен ќе „царува“ на врвот на блокот на кулата.
Висококатницата ќе нуди едно, две и трисобни „обични“ станови и некои суперлуксузни станови од три до пет соби на последните катови. Цената? Од 2,5 милиони дирхами од Обединетите Арапски Емирати (околу 645.000 евра).
