Во областа на најголемата солена рамнина во Чиле, Салар де Атакама, живеат три вида фламинго, а нивниот просечен број е намален за 20 проценти во последните години, покажуваат податоците на Комисијата за шумарство.
Чиле е дом на три од шесте познати видови фламинго во светот, кои се хранат со ракчиња, алги и планктони во богатата солена вода. Локалното население смета дека бројот на птици е намален поради експлоатацијата на литиумот во Салар де Атакама, како и поради климатските промени.
Меѓународната унија за зачувување на природата го класифицира чилеанскиот вид фламинго како „речиси загрозен“.
