Војводата и војвотката од Сасекс, наводно, побарале од агенцијата Бекргид за фотографирање славни личности да ги предаде сликите направени за време на, како што самите ја нарекле „речиси катастрофалната“ потера со „гужва од многу агресивни папараци“ во Њујорк, пишува Гардијан.
Агенцијата, која инаку е со седиште во Калифорнија, во четвртокот соопшти дека го отфрлила барањето на Хари и Меган.
„Во Америка, како што сме сигурни дека знаете, личните предмети му припаѓаат на сопственикот(Агенцијата)- трети лица не можат само да бараат да им бидат дадени, како што можеби кралевите можат тоа да го сторат“, ѝ одговорила Агенцијата на кралската двојка
Иако таксистот кој ги возеше Хари и Меган додека тие беа бркани од папараците рече дека „не би го нарекол тоа како потера“, сепак, настанот беше споредуван со трагичната сообраќајна несреќа на мајката на Хари, кралицата Дајана, трагедија која остави дамки во кралската фамилија.
