Внимавајте што пишувате на социјалните мрежи! Во Германија е на сила нов закон
Актот за дигитални пазари и услуги (DMA), усвоен од Европскиот парламент, Советот на Европската унија и Европската комисија, стапува на сила на 2 мај.
Според овој закон, технолошките компании како Амазон, Гугл, Фејсбук, Епл, Мајкрософт итн., од 2 мај ќе мора да се придржуваат до строгите правила во рамките на Европската унија (ЕУ), пишува магазинот Феникс.
Главните цели на овој закон се да се постигне воспоставување на побезбеден дигитален простор во кој ќе бидат заштитени основните права на сите корисници на дигитални услуги и воспоставување еднакви услови на пазарна конкуренција кои би ги поттикнале иновациите и конкурентноста во Европската Унија и на глобално ниво. .
На вештачката интелигенција“ поднесе оставка од Google: „Опасностите од вештачката интелигенција се страшни“
Корисниците на социјалните мрежи и воопшто на интернетот ќе мора да внимаваат што објавуваат, бидејќи со новиот закон започнува борба против нелегално објавените содржини, системите за препораки и насоченото рекламирање.
Потиснувањето на незаконски содржини како што се говор на омраза, смртни закани, одмаздничка порнографија, клевета или повреда на интелектуална сопственост е во срцето на новиот закон. Според овој закон, социјалните мрежи имаат обврска да блокираат, отстрануваат или ограничат нелегална содржина и транспарентно да објават какви механизми вовеле за да го спречат нејзиното ширење.
Покрај тоа, законот влијае и на рекламите на Интернет, па во иднина корисниците ќе знаат зошто им се прикажува индивидуален оглас.
Доколку менаџерите на интернет платформата не ги почитуваат правилата, санкциите се неизбежни.
Сите детали за новиот закон можете да ги прочитате на веб-страницата на Европската комисија (commission.europa.eu).
