Не оставајте електронски уреди (мобилни телефони, лаптопи…) и спрејови (дезодоранси, средства за дезинфекција…) во автомобилот на силна сончева светлина, тие можат да експлодираат и да се запалат. Опасни се и газираните пијалоци…
Во летните месеци може да биде непријатно топло во автомобилот. Но, внимавајте: некои секојдневни предмети може да експлодираат на топлина. Доволни се едноставни мерки на претпазливост! Кога автомобилот е на жешкото сонце, брзо станува уште пожешко внатре отколку надвор, а температурите можат да се искачат и над 50-60 степени Целзиусови, а сè во возилото исто така брзо и интензивно се загрева, пренесува автопортал.
Ова може да предизвика проблеми не само за луѓето и животните, кои никогаш не треба да останат во автомобил со затворени прозорци и врати во лето, туку може да биде подеднакво опасно и за електрониката: доколку мобилните телефони, лаптопите итн. се директно изложени на сонце. во заклучено возило, тие дури можат да експлодираат. Литиум-јонските батерии, кои имаат високо концентрирана енергија, ја зголемуваат концентрацијата на енергија над критичното ниво со зголемување на топлината и може да дојде до експлозивно самозапалување.
Дезодоранси, спреј против комарци, средства за дезинфекција или газирани пијалоци може да експлодираат на температури од 50 степени Целзиусови и повисоки.
Затоа, по напуштањето на автомобилот, сите овие предмети треба да се чуваат во багажникот. Таму обично е поладно и предметите се заштитени од директна сончева светлина и топлина.
