ВМРО-ДПМНЕ тврди дека владата планира да го укине задолжителното средно образование со образложение дека тоа е добро за економијата на државата.
На денешната прес-конференција Драган Попоски, член на комисија за образование на ВМРО-ДПМНЕ рече дека откако СДС и ДУИ не успеале да го модернизираат средното образование се одлучиле за полесната опција да го укинат задолжителното средно образование.
– Владата на (Димитар) Ковачевски размислува за укинување на задолжителното средно образование, а образложението е дека тоа е добро за економијата во државата. Како неедуцирани граѓани ќе бидат од корист за државата? Замислете, ова е ставот на владините министри во време кога светот го движат и развиваат интелектуалци и колку повисоко и поквалитетно образование имаш, толку повеќе си ценети изјави Попоски.
Според него, идејата е апсурдна бидејќи се намалува бројот на учениците во средните училишта.
– Податоците велат дека и онака во регионот имаме највисока стапка на проретчување на ученици од средните училишта. Практично 78% од една генерација средношколци го завршуваат ова образовно ниво. И наместо тоа да се подобри, фокусот да биде ставен особено на дуалното образование со кое би се насочиле и квалификувале нови кадри, се размислува за незадолжително средно образование – рече Попоски.
Тој се прашува дали на владата ѝ се потребни недоволно образовани кадри.
– Веројатно граѓаните со низок степен на образование ќе бидат од корист само за власта, која мисли дека полесно ќе ги манипулира доколку не се доволно писмени. Тоа е потценување и навреда! Наместо да им понуди што повеќе можности и опции за едукација, Владата им вели дека доволно им е деветолетка за да успеат во животот – рече Попоски.
Тој додаде дека ВМРО-ДПМНЕ ќе ја спречи оваа идеја на владата.
