Во рамки на економски мерки за справување на енергетската и ценовната криза, владата на вчерашната седница одлучила да го ограничи извозот на масло од сончоглед .
Во образложението за оваа одлука владата посочува дека е поради сериозни пореметувања на домашниот пазар.
Одлуката стапи на сила вчера, а ќе важи до 31 мај.
„Оваа одлука е донесена врз основа на Законот за трговија, кој предвидува дека на предлог на Министерството за економија, Владата може да го ограничи извозот или увозот на одделни стоки или да пропише посебни услови за увоз или извоз“, појаснува владата.
Владата вчера донесе 26 мерки за заштита на животниот стандард на граѓаните и ликвидноста на компаниите, како и мерки за финансиска поддршка на деловните субјекти преку Развојната банка.
