Градежната фирма на Вице Заев, брат на поранешниот премиер Зоран Заев, стана нов сопственик на „Бојана БС Панел“, претпријатие за производство на електрична енергија, чиј сопственик беше поранешниот градоначалник од СДСМ на Ново Село Боро Стојчев, познат како Боро Малборо, објави Фактор мк.
Десетина дена пред превземањето од страна на „Тотал Инженеринг“ на Заев, „Бојана БС Панел“ стана сопственик на местото на Стојчев на фирмата за производство на електрична енергија „Бојана Енерџи“. Седиштето на двете фирми е во Ново Коњарево во рамки на општината која што ја предводеше Стојчев.
„Бојана Енерџи“, претпријатие за производство на електрична енергија, беше основано од страна на Стојчев и второ физичко лице во март минатата година.
Боро Стојчев во 2018 година додека беше градоначалник беше осуден за шверцот со цигари.
