Полицајката Катарина Петровиќ е пуштена од притвор, потврдија за порталот N1 во Вишиот суд во Белград.
На полицајката и е укинат притворот затоа што и завршиле околностите поради кои била приведена, соопштија во судот Н1.
Нејзиниот притвор е одреден поради опасност да го повтори кривичното дело, но бидејќи е привремено отстранета од МУП, таа опасност е завршена, потврдија и во Вишиот суд.
Таа е во притвор од 3 јули, а е уапсена поради сомнение дека сторила кривично дело злоупотреба на службената положба.
Полицајката од Ваљево и претходно добила притвор до 30 дена поради сомнение дека ја злоупотребила службената положба кога ги фотографирала информациите од информативниот систем на МВР на Србија за несреќата во која учествувал Никола Петровиќ и ги препратила на пратеничката Мариника Тепиќ.
На 13 јуни, пратеничката и потпретседател на Партијата на слободата и правдата, Мариника Тепиќ, во српското Собрание праша дали е вистина дека крвните тестови на Петровиќ покажале дека тој бил позитивен на алкохол и кокаин. На 14 јуни таа објави снимка од нејзиното прашање на Твитер. Таа потоа ги објави документите што го докажуваат тоа на 18 јуни на нејзиниот Твитер профил.
Во документот на МУП што го објави Тепиќ, се наведува дека Петровиќ во моментот на судирот имал 0,41 ppm алкохол во крвта, како и дека бил позитивен на кокаин.
Да потсетиме, Никола Петровиќ доживеа сообраќајна несреќа во март на улицата Ужичка во Дедиње, Белград. Во тоа време тој возел скап автомобил по споредна улица, а кога дошол на раскрсницата со Ужичка, пат со првенство на минување, не застанал на знакот, туку продолжил да се движи.
Потоа го удрил „макларенот“ во „опел корсата“ во која имало две жени. Од силината на ударот двата автомобили удриле во оградата на Патријарховиот дом, а двете повредени жени се пренесени во Ургентниот центар. Во таа прилика тие се здобиле со полесни повреди и се пуштени на домашно лекување.
