Во Босна и Херцеговина, вирусот на африканска свинска чума е потврден на 560 фарми, додека 28.784 свињи се еутанизирани.
Во Република Српска вирусот е потврден на 463 фарми, а 26.788 свињи се еутанизирани. Во Федерацијата Босна и Херцеговина вирусот е потврден на 30 фарми, а еутанизирани се 196 свињи, додека во округот Брчко се заразени 67 фарми, а 1.800 свињи се еутанизирани, соопшти Фени од Ветеринарната управа при Министерството за надворешна трговија и Економски односи, во врска со епидемиолошката состојба во однос на прашањето на африканската свинска чума во Босна и Херцеговина од 7 август.
Посочуваат дека Ветеринарната канцеларија на БиХ континуирано работи на изнаоѓање средства од донатори кои можат да помогнат во борбата против африканската свинска чума.
– Преку австриската агенција за здравје и безбедност на храна (АГЕС) беше обезбедена помош од повеќе палети лабораториска опрема, а во тек се преговорите со Амбасадата на Кина во Босна и Херцеговина за набавка на дополнителна опрема. Канцеларијата претходно испрати барање за помош до Светската организација за здравје на животните (WOAH), Организацијата за храна и земјоделство на Обединетите нации (ФАО) и Европската комисија – велат од Ветеринарната канцеларија.
