Вирусот BA.2, подваријанта на омикрон, попозната како Стелт, не само што се шири побрзо, туку може и да предизвика тешка форма на болеста, покажува најновата јапонска студија.
Новите лабораториски експерименти од Јапонија покажуваат дека BA.2 може да има карактеристики што го прават способен да предизвикува сериозни болести како постарите варијанти на ковид-19, вклучително и делта, пренесува H1.
И како и омикрон, се чини дека во голема мера го избегнува имунитетот што го создаваат вакцините. Дополнителна доза од вакцината ја враќа заштитата, што ја прави болеста околу 74 проценти поблага по инфекцијата.
BA.2 е исто така отпорен на некои третмани, вклучувајќи го и сотровимаб, моноклонално антитело кое моментално се користи против омикрон.
