Иако изминатите месеци не беа најубави во животот на британското кралско семејство, војводата од Кембриџ принцот Вилијам не ја заборава романтиката, па на својата сопруга ѝ приредил убаво изненадување по повод „Денот на вљубените“.
Минатата година не беше најубава во животот на британското кралско семејство: принцот Хари преку низа интервјуа откри многу „валкани“ детали за своите најблиски, принцот Ендру се соочи со обвинувања за сексуален напад врз тинејџерка, принцот Филип, сопругот на Елизабета Втора, почина, а и самата имаше здравствени проблеми поради кои беше хоспитализирана…
За сето тоа време Кејт Мидлтон со насмевка вредно ги извршуваше своите кралски обврски, а нејзиниот сопруг, принцот Вилијам, искучително го цени тоа!
Затоа, тој не заборави да ѝ приреди романтично изненадување на својата сакана за „Денот на вљубените“.
– Вилијам ја изненади Кејт со огромна кутија од 50 рози за „Денот на вљубените“. На картичката рачно ја напиша најромантичната порака, пофалувајќи ја колку е прекрасна како сопруга и мајка – изјавил извор близок до парот за „ЈуЕс викли“.
Но, тоа не е единствениот подарок што Кејт го доби на овој ден, бидејќи и нивните деца, принцот Џорџ (8), принцезата Шарлот (6) и принцот Луис (3) им направиле честитки на своите родители по повод „Денот на вљубените“.
Albanian
English
Macedonian
Turkish
