Магнатот со недвижности Труонг Ми Лан е осуден на смрт на суд во градот Хо Ши Мин во јужен Виетнам во досега најголемиот случај на финансиска измама во земјата, објави Тан Ниен.
67-годишната претседателка на компанијата за недвижности „Ван Тин Фат“ е обвинета дека ја измамила во износ од 12,5 милијарди долари – речиси три отсто од БДП на земјата во 2022 година.
Таа незаконски ја контролираше акционерската комерцијална банка на Сајгон помеѓу 2012 и 2022 година за да ги пренесе овие средства преку илјадници компании-школка и со поткупување владини службеници.
Нејзиното апсење во октомври 2022 година беше меѓу главните моменти на тековната антикорупциска акција во Виетнам, која се интензивираше од 2022 година.
Поранешниот претседател Во Ван Туонг поднесе оставка во март откако беше вмешан во кампањата.
