Виетнам стана центар на најголемиот финансиски скандал во историјата на Југоисточна Азија, а на врвот на пирамидата на низата измами е Трунг Ми Лан, директор на големата градежна компанија Van Thinh Phat Holdings Group, осомничен за проневера на 11.4 милијарди евра, пренесува денеска Дојче веле (DW), повикувајќи се на виетнамското Министерство за безбедност.
Тоа е голема сума на пари што претставува приближно три проценти од вкупниот годишен бруто национален приход на Виетнам.
Трунг Ми Лан за прв пат беше уапсен минатата година кога истражните органи открија дека преку мрежа од повеќе од 1.000 претставништва во земјата и странство, незаконски добил заем од 40 милијарди евра од комерцијална банка во Сајгон и проневерил една третина од таа сума на пари преку низа измами.
Во врска со можното учество во таа голема проневера, пред судот веќе има 85 обвинети, меѓу кои и вработени во комерцијална банка во Сајгон, но од Министерството нагласуваат дека е отворена нова истрага против 27 државни службеници, меѓу кои и 12 високи претставници на виетнамската централна влада.банки.
Се нагласува дека ова е веројатно најголемиот финансиски скандал во тој дел од светот, со потсетување дека последниот сличен скандал се случи во 2010 година во Малезија, каде со криминални дејствија се проневерени 4,4 милијарди евра.
