Едно лице загина по обилните дождови и поплавите предизвикани од ураганот „Белал“ ја погодија француската територија, островот Реунион во Индискиот Океан.
Властите на Реунион, остров со население од околу 860.000 луѓе, им наредиле на жителите да не ги напуштаат своите домови, иако најоддалечената француска територија го избегна „окото“ на бурата, јавува Би-би-си.
Поради ураганот „Белал“, српско семејство веќе два дена е заробено во хотелски комплекс на Реунион.
Околу четвртина од домаќинствата на островот немаа струја во понеделникот, а илјадници беа без вода.
Официјални лица во Маурициус велат дека бурата ќе се пресели на југ во вторник.
Властите на Реунион го подигнаа нивото на тревога за невреме на виолетово, највисоко ниво, додека ураганот се приближуваше до островот.
Овој степен на тревога им забрани на полицијата и спасувачите да ги напуштат засолништата. Нивото подоцна падна на црвено, дозволувајќи им на властите да понудат помош за погодените.
И покрај страшните предупредувања, се чини дека Реунион е поштеден од целосната сила на ураганот, бидејќи окото на бурата се придвижи кон север. Жером Филипини, префект на регионот, рече дека го нема „катаклизмичниот карактер“ од кој првично се плашеше.
Сепак, здравствените власти им рекоа на луѓето да не користат проточна вода за пиење или готвење.
За едно лице потврдено дека е мртво, се вели дека е бездомник. Властите соопштија дека жртвата претходно одбила да се скрие.
Бурата сега се движи кон соседен Маурициус, каде што е на сила предупредување за циклони од трета категорија од четири.
Се очекува во вторник да ги погодат јужните предели со силни ветрови.
Невремето веќе донесе силен дожд во Маурициус, особено во главниот град Порт Луис. Објавите на социјалните мрежи покажуваат дека возилата се потопени или однесени
