Голем број ветерани на поранешната Ослободителна војска на Косово (ОВК) продолжија да протестираат пред двата влеза на зградата на Собранието на Косово, кое обезбедува голем број полицајци и специјални единици за разбивање на демонстрациите.
Ветераните на ОВК порачаа дека доколку стапи во сила законот за минимална плата, кој не предвидува зголемување на пензиите на бранителите, случајот ќе биде предаден на Уставниот суд.
„Доколку законот стапи на сила, ви велам дека ќе го испратиме до Уставниот суд и 100 отсто сме убедени дека ќе се констатира прекршување на Уставот“, изјави претседателот на косовските ветерани, Фатон Кљинаку.
Во дворот на таа институција влегоа ветераните кои протестираа пред Собранието на Косово.
Порачаа дека не треба да се напаѓа полицијата, бидејќи дел од нив, како што велат, се нивни воени соборци.
Клинаку рече дека од прозорецот на зградата на косовскиот парламент некои луѓе провоцирале со движења на прсти.
Протестот се одвива во тензична атмосфера, но без инциденти.
Пратениците од опозицијата ја блокираа собраниската говорница
Опозициските пратеници се појавија пред собраниската говорница и го спречија нормалното продолжување на седницата на косовскиот Парламент, поставувајќи неколку барања за правата на борците на поранешната Ослободителна војска на Косово (ОВК).
Шефот на пратеничката група на ПДК, Абелар Тахири, предупреди дека додека Владата не го реши прашањето за бранителите, нема да има нормални седници во Собранието.
Потоа претседателот на Собранието Глаук Коњуфца ги повика на консултации шефовите на пратеничките групи.
Претходно пратеникот на Демократската партија на Косово Рашит Чалај изјави дека нема да има нормална работа на парламентот додека не се реши прашањето за вклучување на борците во минималната плата и дека нема да дозволи одржување на денешната седница.
Шефот на Демократската лига на Косово (ЛДК), Арбен Гаши побара итно да се повлече предлог-законот за минимална плата, додавајќи дека треба да почнат консултации со засегнатите страни, за зголемувањето на минималната плата да не биде одвоени од ветеранските пензии.
Седницата на Собранието на Косово почна со протестот на опозицијата, чии пратеници почнаа да удираат по масите извикувајќи „УЧК“, додека бранителите протестираат во дворот на институциите.
Albanian
English
Macedonian
Turkish
