Макс Верстапен, двократниот светски шампион во Формула 1, истакна дека сигурно нема да биде во најбрзиот вагон кога ќе има 35 години.
Возачот на Ред Бул истакнува дека сигурно ќе го одработи договорот до крајот на 2028 година кога ќе има 31 година и дека тогаш ќе одлучи што и како понатаму.
„Не ме интересираат титули и рекорди. Суштината на сè е квалитетот на животот што го водам. Ќе се тркам сигурно до 2028 година, а потоа ќе видам дали навистина сакам да продолжам да возам. Искрено, дали се гледам себеси на 35 години во Формула. Дефинитивно не. Има уште многу интересни работи надвор од Формула 1. И не сакам постојано да бидам на пат“, изјави Верстапен.
Холанѓанецот вели дека често го обзема носталгија.
„Ми се допаѓа да сум дома. Честопати патувањата и долгите отсуства се навистина болни. Не сакам да правам нешто ако не уживам во тоа“, изјави 25-годишниот Верстапен.
Седумкратниот светски шампион Луис Хамилтон неодамна изјави дека иако има 37 години, се уште не размислува за крајот на кариерата и дека дефинитивно ќе вози во следните неколку години.
