Венецуела ќе го зголеми бројот на летови на својата државна авиокомпанија до Москва откако многу земји го затвораат воздушниот простор за руските авиони по инвазијата на Украина, соопшти синоќа венецуелскиот министер за туризам.
„Венецуела е подготвена да продолжи да прима руски туристи“, објави министерот Али Падрон на Твитер по телефонскиот разговор со шефицата на руската Федерална агенција за туризам, Зарина Догузова.
Двете страни се согласија да „гарантираат континуитет на летовите (меѓу Русија и Венецуела) на венецуелската авиокомпанија Конвиас“.
Бројот на руски туристи во Венецуела нагло скокна во мај 2021 година, кога Венецуела и Русија, големите сојузници, воведоа директна врска меѓу Москва и Каракас, а три месеци подоцна лет до островот Маргарита на исток, со исклучително убава природа и плажи.
