Осумнаесет месеци откако неговата сопруга Халина Хачинс (42) почина на снимањето на „Рѓа“ откако случајно беше застрелана од Алек Болдвин, вдовецот Метју Хачинс (38) е виден со друга жена.
Како што ексклузивно објави „Њујорк пост“, продуцентот е снимен во многу интимно дружење во Лос Анџелес.
Тој сè уште го носел својот венчален прстен додека гушкал и бакнувал жена во опсерваторијата Грифит. Говорејќи за „Њујорк пост“ во вторникот, изворите ја идентификувале новата љубов на Метју како Кејти Флин. Според нејзиниот профил на LinkedIn, Флин е координаторка за видеопродукција на опсерваторијата, која дипломирала метеорологија на Универзитетот Централ Мичиген во 2015 година.
Метју и Флин се појавиле расположени додека шетале наоколу, често бакнувајќи се и гушкајќи се. Метју Хачинс не бил достапен за коментар во вторникот, додава „Пост“.
Веста за наводната нова врска на Метју доаѓа неколку дена откако беа отфрлени кривичните обвиненија против Болдвин за случајното убиство на снимањето, а продукцијата започна да го завршува вестернот на новиот филмски сет во Монтана.
Актерот, 65-годишниот Болдвин, претходно се изјасни дека не е виновен за убиство од небрежност. Тој, исто така, постојано негираше каква било вина за фаталното пукање. Тој тврдеше дека никогаш не го повлекол чкрапалото, но пиштолот сепак пукнал – испукал вистински куршум кој ја уби Халина и го рани режисерот Џоел Соуза.
Болдвин, исто така, претходно се договори со Метју за необјавена сума во октомври 2022 година. Како дел од договорот, Метју стана извршен продуцент на „Рѓа“. Метју зборуваше за последиците од смртта на неговата сопруга во интервјуто со Ход Котб во февруари 2022 година во емисијата „Тудеј“. Во тоа време, тој сè уште беше крајно лут поради однесувањето на Болдвин.
ФОТО: Твитер
