Ниеден починат и 89 заболени од ковид-19 се регистрирани во текот на изминатите 24 часа, соопшти денеска Министерството за здравство.
Направени се 1.760 тестови, а регистрираните нови случаи се во: Скопје – 48, Битола – 18, Берово – 4, Прилеп, Кавадарци, Штип и Кичево по 3, Велес – 2, Охрид, Струмица, Гевгелија, Ресен и Виница по 1.
Од вкупниот број позитивни, регистрирани се 21 реинфекции. Регистрирани сe 156 оздравени пациенти. Согласно Регистарот на умрени лица со дијагноза ковид-19 од Мој термин, дополнително е пријавено едно починато лице од Скопје (74) во болнички услови, од 25.04.2022 година.
Досега во земјата се дијагностицирани 309.310 лица, бројот на оздравени пациенти е 299.539, на починати е 9.278, а бројот на активни случаи изнесува 493. Во Скопје има 265 активни случаи, а во 11 града нема ниту еден случај.
