Ватикан ќе отвори истрага против францускиот кардинал Жан-Пјер Рикар, кој претходно оваа недела призна дека сексуално злоставувал 14-годишно девојче пред неколку децении.
Портпаролот на Ватикан, Матео Бруни, во петокот изјави дека прелиминарната истрага ќе започне откако ќе се најде најсоодветното лице со „неопходна автономија, непристрасност и искуство“ за нејзино спроведување.
Тој додаде дека Ватикан зема предвид дека француските правосудни органи отвориле истрага за случајот.
Истрагата на Ватикан нема да започне сериозно додека не заврши истрагата на француските граѓански власти за да може да се искористат нејзините резултати.
На почетокот на оваа недела, 78-годишниот Рикард го призна злоставувањето, за кое рече дека се случило пред 35 години кога тој бил свештеник.
Рикар, кој беше епископ во југозападниот регион Бордо од 2001 до 2019 година и беше прогласен за кардинал во 2006 година од поранешниот папа Бенедикт Шеснаесетти, побара прошка.
Тој рече дека ќе се повлече од своите позиции и ќе им биде достапен на граѓанските и црковните власти.
