Утрово во 33 скопски училишта и во едно во Прилеп повторно е прекината наставата откако на електронските адреси биле добиени пораки дека во објектите се поставени бомби.
Од Министерството за внатрешни работи за Плусинфо ја потврдија информацијата и споделија детали за новите дојави.
– Денеска до 10 часот е пријавено дека на електронските адреси на 32 училишта во Скопје и едно во Прилеп е упатена закана за поставена експлозивна направа.Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите – ни одговорија од МВР.
Учениците и наставниците се евакуирани, а екипи на антитерористичките единици на МВР ќе извршат контрола врз објектите.
Ова е трет пат оваа недела за дојава за поставени експлозивни направи во училиштата, но исто така имаше и во повеќе институции, трговски центри, јавни установи, дури и резиденцијата на претседателот Пендаровски, кои по извршувањето на контролата беше констатирано дека сите се лажни.
