Утрово денеска ќе биде студено со услови за слаба магла и со ниска облачност по котлините. Најниската температура ќе се симне до -2 степени.
Во текот на денот времето ќе биде сончево.
Во Скопје утрото ќе биде постудено со услови за појава на слаба магла, а преку денот ќе биде претежно сончево и претежно тивко. Утрово температурата ќе биде 0 степени, а максималната ќе се искачи до 20 степени.
Во текот на оваа работна недела, и тоа под влијание на значително постудена воздушна маса која се спушта од северните и од североисточните предели на Европа, времето во Македонија ќе биде стабилно, суво, сончево и значително постудено, особено во утринските часови. Ќе има и повремено појава на мала до умерена локална облачност.
Наутро температурите во поголем дел од Македонија ќе се спуштаат под нулата, односно тие ќе се спуштаат во интервалот од -6 до 3 степени, максималните дневни температури пак ќе се искачуваат во интервалот од 13 до 19 степени.
