Уставниот суд денеска на седница ја прифати иницијативата на Комисијата за спречување на корупција и судир на интереси, која поведе постапка за укинување на „балансерот“ односно алатката за вработување во јавниот сектор според етничката припадност.
Уставниот суд донесе времена мерка откако антикорупционерите оспорија делови од три акти што се поврзани со „припадност на заедница“, што значи дека ќе нема вработувања по етнички клуч додека уставните судии не се произнесат за нивната уставност.
Портпаролката на Уставниот суд Христина Беловска изјави дека Судот по неколкучасовна расправа поведе постапка за одредби од законот за вработени во јавниот сектор, Законот за административни службеници, Правилникот за задолжителни елементи во јавниот оглас при вработување во јавен сектор, односно одредби од акти кои беа оспорени од страна на Државната комисија за спречување на корупција.
– Судот ги оцени наводите на Комисијата како основани, но и ги прошири сомнежите за неуставноиста и незаконитост и за други одредби и по сопствена иницијатива поведе постапка за одредби од истите закони но и за поднзаконски акти кои произлегуваат од нив – рече Беловска.
Albanian
English
Macedonian
Turkish
