Амброзија ќе ги мачи алергичните луѓе уште петнаесетина дена, бидејќи растението сака убаво време, па бројот на поленови зрна минатата недела беше од седум до 11 пати над граничните вредности, пишува Политика.
Доброто време, пријатните утрински и вечерни температури и промената на сезоната овозможија ова растение да цвета во текот на целиот септември, поради што алергичните мора да продолжат да се лекуваат.
Координаторот за мониторинг на алергени во Агенцијата за заштита на животната средина, Мирјана Митровиќ Јосиповиќ изјави дека бројот на измерени зрна минатата недела се движел од 121 до 384 на метар кубен воздух, а граничната вредност е 30.
Концентрацијата на полен од ајдучка трева во Белград е и до 11 пати над граничните вредности.
На алергиските им пречи и тие 30, а можете да замислите како се чувствуваат под зголемени вредности. Амброзијата е исклучително силен алерген, предизвикува разни психофизички тегоби и влијае на работоспособноста, изјави Мирјана Митровиќ Јосиповиќ.
