Фирми и граѓани должат повеќе од 10,72 милијарди денари (169 милиони евра) за даноци придонеси, и акцизи и царини што е повеќе за 134 милиони денари од претходната листа, покажува најновиот список на должници на Управата за јавни приходи.
Списокот се однесува за долгови доспеани до 31.03.2024 и неплатени до 30.06.2024 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.
На Списокот се 1.870 должници – правни лица и 3.774 физички лица.
Нето-долгот за даноци и придонеси изнесува 10.565.414.681 денари, додека долгот за царински давачки е 157.277.814 денари.
