Ледената арена во градот Дружкивка во областа Доњецк е уништена во ракетен напад извршен од руските сили во понеделникот во источна Украина, соопшти Украинската хокеарска федерација.
Претходно беше соопштено дека проектилот го погодил градот и ранил две лица. „Руските окупатори уништија пет ледени сали од почетокот на војната“, објави федерацијата на Телеграма, наведувајќи ги хокејскиот стадион Дружба во Доњецк, арените во Мариупол и Мелитопол, Ледената палата во Северен Донецк и сега Алтаир Арената во Дружкивка.
Украинскиот хокеарски клуб Донбас, кој Алтаир го користи од 2014 година, откако проруските сепаратисти ја прогласија Доњецката Народна Република, објави дека арената била уништена од ракетен оган.
Таа сала беше место каде се одржуваа украинските првенства, меѓународни натпревари и културни настани. Генералниот директор на клубот, Федор Иљенко, на Фејсбук напиша дека местото е повеќе од зграда, бидејќи во него се наоѓа најголемата школа за хокеј и уметничко лизгање во Украина.
