Советничката на министерот за енергетика на Украина, Лана Зеркаљ, оцени дека Русија не може физички да го прекине снабдувањето со гас за Европа. Таа за Дојче веле (DW) изјави дека „Европа е главниот потрошувач на руската енергија и во конкретни, сегашни околности, таа е главниот извор на финансии за војната“.
„Затоа толку многу го критикуваме“, рече Зеркаљ, додавајќи дека украинските лидери веруваат дека „Европа има шанса да ги запре тие финансиски текови и да ги задржи сите тие пари во Европа до понатамошно известување, на посебна сметка“.
„Продолжуваме да ги убедуваме европските политичари дека Русија нема да биде во позиција да го прекине снабдувањето со гас, бидејќи не може физички да ја задржи целата таа количина гас во Русија. Така, тие ќе продолжат да ја снабдуваат Европа, дури и ако ЕУ воведе посебна депозитна сметка и сите тие пари ги чува таму – додека не се нормализира ситуацијата“, изјави Лена Зеркаљ.
Таа додаде дека на Украина сега и треба гориво за транспорт на луѓе, стоки и воена опрема низ земјата.Лана Зеркаљ за ДВ вели дека поради ракетниот напад на рафинеријата во моментов има недостиг од гориво и дека мора дополнително да се увезува.
„И тоа е тешко сега затоа што Одеса, која беше нашето главно пристаниште и влезна порта за гориво, сега е блокирана од руски воени бродови. А на север ја имаме, се разбира, Белорусија. Овие патишта сега се целосно онеспособени“, рече советникот. Министерот за енергетика на Украина.
