Владата на Косово бара од земјите од ЕУ да го отфрлат предлогот на Европската комисија за ажурирање на списокот за безвизно патување во ЕУ и дозволување на пасошите издадени од Директоратот за координација на Србија за косовските Срби да патуваат во ЕУ, пишува Politico.
Регулативата на ЕУ им дозволува на имателите на пасоши од 61 земја да патуваат во ЕУ без визи и да останат до 90 дена, пишува Politico.
Вклучени се српските пасоши, освен пасошите издадени на косовските Срби од Директоратот за координација на Србија. Комисијата предложи да се отстрани таа клаузула.
Косово се пожали, во писмото што го виде Антоанета Руси од Политико, дека предлогот „е во директен конфликт со принципите на суверенитет, правен интегритет и тековните напори за нормализација“.
Европската комисија на 16 ноември предложи укинување на визите за ЕУ за жителите на Косово, носители на пасоши издадени од Координативниот центар на Србија, но Европскиот совет и Европскиот парламент се уште не се изјасниле за овој предлог.
